ပန်းနာ ရင်ကျပ် ရောဂါ ကာကွယ်နိုင်မယ့် အချက် ၁၂ ခု

ပန်းနာရင်ကျပ်ရောဂါကို လုံးဝ ကာကွယ်ဖို့ဆိုတာ မဖြစ်နိုင်ဘူး ၊ ဒါပေမယ့် ရောဂါထဖောက်တာတွေကို လျှော့ချနိုင်ပါတယ်။

၁။ ဆေးလိပ်သောက်ခြင်းကို ရှောင်ကြဉ်ပါ ။ ဆေးလိပ်ငွေ့ရှိသော နေရာများကိုလည်း ရှောင်ကြဉ်ပါ။

၂။ ပတ်ဝန်းကျင် သန့်ရှင်းရေးကို ဂရုစိုက်ပါ ။

- အိမ်ကို ပုံမှန်သန့်ရှင်းလုပ်ပါ။

- ဖုန်မှုန့် တွေ များနေရင် ပန်းနာရင်ကျပ် ပိုဖြစ်စေတတ်ပါတယ် ။

- ဖြစ်နိုင်ရင် Air Purifier လေသန့်စင်စက် သုံးစွဲပါ။

၃။ ဓာတ်မတည့်မှုဖြစ်စေသော အရာများကို ရှောင်ကြဉ်ပါ...

- သင့်အတွက် ဓာတ်မတည့်မှုဖြစ်စေသော အစားအစာများကို ရှောင်ကြဉ်ပါ။

- ပန်းဝတ်မှုန့်၊ တိရစ္ဆာန်အမွှေး စတာတွေကို ရှောင်ရှားပါ။

၄။ ကိုယ်ခံအားစနစ် ကောင်းမွန်အောင် ထိန်းသိမ်းပါ..

- ကျန်းမာရေးနဲ့ ညီညွှတ်တဲ့ အစားအသောက်များ စားသုံးပါ။

- ဗီတာမင်နှင့် သတ္တုဓာတ်များ လုံလောက်စွာ ရရှိအောင် စားသုံးပါ။

- ရေကို လုံလောက်စွာ သောက်သုံးပါ။

၅။ ပုံမှန်လေ့ကျင့်ခန်း လုပ်ဆောင်ပါ...

- တစ်ပတ်ကို အနည်းဆုံး ၁၅၀ မိနစ် အသင့်အတင့် လေ့ကျင့်ခန်းများ လုပ်ဆောင်ပါ။

- လမ်းလျှောက်ခြင်း၊ ရေကူးခြင်း စသည့် သင့်တော်သော လေ့ကျင့်ခန်းများ ရွေးချယ်ပါ။

၆။ ပုံမှန်ကိုယ်အလေးချိန် ထိန်းသိမ်းပါ...

- အဝလွန်ရင် ပန်းနာရင်ကျပ်ဖြစ်ပွားမှု အန္တရာယ်ကို တိုးစေနိုင်ပါတယ်။

၇။ စိတ်ဖိစီးမှု စီမံခန့်ခွဲပါ...

- တရားထိုင်ခြင်း၊ ယောဂလေ့ကျင့်ခန်းများ လုပ်ဆောင်ပါ။

- အနားယူခြင်းနှင့် အိပ်စက်ခြင်းကို လုံလောက်စွာ ပြုလုပ်ပါ။

၈။ ရာသီအလိုက် ကာကွယ်မှုများ ပြုလုပ်ပါ...

- အအေးမိခြင်းမှ ကာကွယ်ရန် ဆောင်းရာသီတွင် လူထုကြားထဲ သွားတဲ့အခါ နှာခေါင်းနှင့် ပါးစပ်ကို အုပ်ထားပါ။

- မိုးရာသီတွင် စိုထိုင်းဆ မြင့်မားချိန် အိမ်ပြင်ပထွက်တာကို ရှောင်ပါ။

- အိမ်ထဲမှာ စိုထိုင်း ဆ များနေရင် Aircon ကို Dry Mode နဲ့ ပုံမှန်ဖွင့်ပေးကြည့်ပါ ။

၉။ လေထုညစ်ညမ်းမှုကို ရှောင်ရှားပါ...

- လေထုညစ်ညမ်းမှု မြငချိန်တွင် အိမ်တွင်းသာ နေထိုင်ပါ။

- ကားများ၊ စက်ရုံများ ရှိရာဒေသများတွင် နေထိုင်ခြင်းကို ရှောင်ကြဉ်ပါ။

၁၀။ ပုံမှန်ကျန်းမာရေး စစ်ဆေးမှုများ ပြုလုပ်ပါ...

- နှစ်စဉ် ကျန်းမာရေးစစ်ဆေးမှုများလုပ်ပါ။

- သင့်မိသားစုတွင် ပန်းနာရင်ကျပ်ရောဂါ ရှိခဲ့ဖူးပါက ဆရာဝန်နှင့် တိုင်ပင်ဆွေးနွေးပါ။

၁၁။ ကိုယ်ဝန်ဆောင်စဉ်နှင့် ကလေးငယ်ဘဝတွင် ဂရုစိုက်ပါ...

- ကိုယ်ဝန်ဆောင်စဉ် ဆေလိပ်သောက်တာကို လုံးဝရှောင်ကြဉ်ပါ။

- ကလေးငယ်ကို ၆လပြည့်တဲ့ အထိ မိခင်နို့ တစ်မျိုးတည်းတိုက်ကျွေးပေးပါ ၊ ကလေး ကိုယ်ခံအားကောင်းစေဖို့ အထောက်အကူဖြစ်စေပါတယ် ။

၁၂။ အလုပ်ခွင်ဘေးအန္တရာယ်ကင်းရှင်းရေး လုပ်ဆောင်ပါ...

- အလုပ်ခွင်တွင် ဓာတုပစ္စည်းများ၊ ဖုန်မှုန့်များနှင့် ထိတွေ့မှုကို လျှော့ချပါ။

- လိုအပ်ပါက သင့်လျော်သော မျက်နှာဖုံးများ၊ လက်အိတ်များ အသုံးပြုပါ။

ဒီအချက်တွေကို လိုက်နာနိုင်မယ်ဆိုရင် ပန်းနာရင်ကျပ်ရောဂါ ဖြစ်ပွားမှု အန္တရာယ်ကို သိသိသာသာ လျှော့ချနိုင်မှာ ဖြစ်ပါတယ်။ သို့သော်လည်း မျိုးရိုးဗီဇကြောင့် ဖြစ်ပွားနိုင်ခြေရှိသူများအနေဖြင့် ဆရာဝန်နှင့် ပုံမှန်တိုငပင်ဆွေးနွေးသင့်ပါတယ်။

#DrTun

#DrZMT

#DrZinMinTun

#HIPအဆင့်မြင့်ဆေးဝါးသင်တန်း

#ဆေးဝါးကျွမ်းကျင်