ဆရာဝန်မရှိတဲ့နေရာမှာ အဖျားကျအောင် ဘယ်လိုလုပ်မလဲ???

အရင်ဆုံး ကျွန်တော်တို့ ဘာကြောင့် ဖျားကြရတာလဲဆိုတာ ပြောပြပါရစေ။

၁။ ဖျားနာရခြင်းအကြောင်းရင်းများ:

✅ ပိုးမွှားများကြောင့် (ဗိုင်းရပ်စ်၊ ဘက်တီးရီးယား) ဒီပိုးတွေက ခန္ဓာကိုယ်ထဲ ဝင်ရောက်လာတဲ့အခါ ခုခံအားစနစ်က တိုက်ခိုက်ဖို့ ကြိုးစားတဲ့အတွက် အဖျားတက်ပါတယ်။

✅ တစ်ခါတစ်ရံ ခန္ဓာကိုယ်၏ ခုခံအားစနစ် က ပုံမှန်မဟုတ်ဘဲ လွန်ကဲစွာ တုံ့ပြန်တဲ့အခါ အဖျားတက်နိုင်ပါတယ်။ ဥပမာ- ကာကွယ်ဆေးထိုးပြီးချိန်

✅ ပတ်ဝန်းကျင်အပူချိန် ရုတ်တရက် ပြောင်းလဲသွားရင် ခန္ဓာကိုယ်က လိုက်လျောညီထွေဖြစ်အောင် ကြိုးစားရင်း အဖျားတက်နိုင်ပါတယ်။

✅ စိတ်ဖိစီးမှုများတဲ့အခါ ဟော်မုန်းဓာတ်တွေ ပြောင်းလဲပြီး ကိုယ်အပူချိန် မြင့်တက်စေနိုင်ပါတယ်။

✅ တချို့ဆေးဝါးတွေက ခန္ဓာကိုယ်အပူချိန်ကို ထိန်းညှိတဲ့စနစ်ကို ထိခိုက်စေပြီး အဖျားတက်စေနိုင်ပါတယ်။

နောက်တစ်ဆင့်အနေနဲ့ အဖျားကျအောင် လုပ်နိုင်တဲ့နည်းလမ်းတွေကို ပြောပြပါ့မယ်။ 🌡️

၂။ အဖျားကျအောင် လုပ်နည်းများ

(၁) ရေများများသောက်ပါ: ရေများများသောက်ခြင်းဖြင့် ခန္ဓာကိုယ်ထဲက အပူကို ဆီးအနေနဲ့ စွန့်ထုတ်နိုင်ပါတယ်။

(၂) အိပ်ရေးဝဝအိပ်ပါ: ခန္ဓာကိုယ်ရဲ့ ကုသမှုစွမ်းရည် Self-Healing ကို မြှင့်တင်ပေးပြီး အဖျားကျစေပါတယ်။ နားနားနေနေ အနားယူခြင်းဖြင့် ခန္ဓာကိုယ်က ပိုးကိုတိုက်ခိုက်ဖို့ စွမ်းအင်ပိုရနိုင်ပါတယ်။

(၃) အခန်းအပူချိန် သင့်တင့်အောင်ထားပါ: ခန္ဓာကိုယ်အပူချိန်ကို ထိန်းညှိရ လွယ်ကူပါတယ်။ ပြတင်းပေါက်တွေဖွင့်ထား ၊ ပန်ကာဖွင့်ထား Air con ရှိရင် ဖွင့်ထား ။

(၄) အဝတ်ထူထူတွေမဝတ်ပါနဲ့ ၊ ပါးပါးဝတ်ထားမှ ခန္ဓာကိုယ်က အပူကို လွယ်လွယ်ကူကူ ထုတ်လွှတ်နိုင်ပါတယ်။

(၅) ရေပတ်တိုက်ပေးပါ: ဒီလိုလုပ်ခြင်းဖြင့် အရေပြားကနေ အပူကို ပိုမိုထွက်သွားစေပါတယ်။

(၆) ပါရာစီတမော (Paracetamol) သောက်ပါ: ဒီဆေးက ဦးနှောက်ထဲက အပူထိန်းချုပ်တဲ့စင်တာကို သက်ရောက်ပြီး အဖျားကျစေပါတယ်။ လူကြီးဆိုရင် Paracetamol 500mg ကို တစ်ခါသောက်ရင် တစ်လုံးကနေ ၂လုံး ၊ တနေ့ကို ၄ကြိမ်အထိ သောက်လို့ရပါတယ် ...

(၇) ဗီတာမင်စီ စားသုံးပါ: ခုခံအားစနစ်ကို အားကောင်းစေပြီး အဖျားကို တိုက်ထုတ်ရာမှာ အထောက်အကူပြုပါတယ်။

နောက်ဆုံးအနေနဲ့ ဘယ်လိုအခြေအနေမှာ မဖြစ်မနေ ဆရာဝန်ဆီ သွားရမယ်ဆိုတာ ပြောပြပါ့မယ်။ 🏥

၃။ ဆရာဝန်ဆီ မဖြစ်မနေသွားရမယ့် အခြေအနေများ

❌ အဖျားက ၃ရက်ထက်ပိုပြီး မကျဘူးဆိုရင်

❌ အဖျား ၁၀၃°F (၃၉.၄°C) ထက်ပိုနေရင်

❌ ခေါင်းကိုက်၊ လည်ပင်းတောင့်တင်းခြင်းတွေဖြစ်နေရင် (ဦးနှောက်အမြှေးရောင်ရောဂါရဲ့ လက္ခဏာဖြစ်နိုင်ပါတယ်။)

❌ အသက်ရှူကြပ်ခြင်း၊ ရင်ဘတ်အောင့်ခြင်းတွေဖြစ်နေရင်: အဆုတ်ရောင်ရောဂါ သို့မဟုတ် နှလုံးရောဂါ လက္ခဏာဖြစ်နိုင်ပါတယ်။

❌ ဝမ်းပျက်၊ အန်တာတွေတွဲ ဖြစ်နေရင် ဓာတ်ဆားဓာတ်ကုန်ခမ်းပြီး အန္တရာယ်ရှိနိုင်ပါတယ်။

❌ အရေပြားပေါ်မှာ အဖုအပိန့်တွေထွက်နေရင် ဓာတ်မတည့် သို့မဟုတ် ပိုးဝင် ပြင်းထန်တဲ့ လက္ခဏာဖြစ်နိုင်ပါတယ်။

❌ သတိလစ်ခြင်း၊ နှုတ်ခမ်းပြာခြင်းတွေဖြစ်နေရင် အထူးကုသမှု လိုအပ်တဲ့ အရေးပေါ်အခြေအနေ ဖြစ်နိုင်ပါတယ်။

မိတ်ဆွေတို့အနေနဲ့ ကိုယ့်ကျန်းမာရေးကို ဂရုစိုက်ပြီး သံသယရှိရင် ဆရာဝန်နဲ့ တိုင်ပင်ကြပါ။ ကျန်းမာပါစေ။

#DrLoikaw #DrTun #HIPအဆင့်မြင့်ဆေးဝါးသင်တန်း #အဖျားကျနည်း #ကိုယ်တိုင်ကုသနည်း