အစာအိမ်ထိခိုက်စေနိုင်တဲ့ ဆေးဝါး ၆ မျိုး

အင်္ဂလိပ်ဆေးတိုင်းက အစာအိမ်ထိတာမဟုတ်ဘူးနော် ၊ လူတွေထင်နေကြတာက အင်္ဂလိပ်ဆေးသောက်ရင် အစာအိမ်ထိတတ်တယ် ပဲ ။ ဒါပေမယ့် တကယ့်တကယ်က အချို့ဆေးတွေပဲ အစာအိမ်ထိတာပါ ။

အရင်ဆုံးအသိပေးချင်တာက ဒီ Video က ကျန်းမာရေးဗဟုသုတ ၊ ဆေးဝါးဗဟုသုတ တိုးပွားစေဖို့အတွက် ပြောထားပေးတာပါ ။ လူတိုင်း ဒီဆေးသောက်တိုင်း အစာအိမ် ထိခိုက်နေတာတော့မဟုတ်ပါဘူး ၊ ဒီဆေးတွေက အစာအိမ်ထိတတ်တယ်ဆိုတာ တော့ သိဖို့လိုပါတယ် ။ ဒီထဲမှာပြောထားတဲ့ ဆေးတွေကို ကိုယ်သဘောနဲ့ ကိုယ် သောက်သုံးတာတွေ ၊ ဆေးအတိုးအလျော့လုပ်တာတွေ မလုပ်ရပါဘူး ။

အကိုက်အခဲပျောက်ဆေး

ဥပမာ - ibuprofen, aspirin, diclofenac

ဒီဆေးတွေက အစာအိမ်နံရံ ကို ထိခိုက်ရောင်ရမ်းစေပြီးတော့ အနာတွေ ဖြစ်စေနိုင်ပါတယ် ။

စတီးရိုက် အရောင်ကျဆေး

ဥပမာ - dexamethasone, prednisolone

ဒီဆေးတွေက ကိုယ်တွင်းအင်္ဂါအစိတ်အပိုင်းတွေ အကြောင်းတစ်ခုခုကြောင့် ရောင်ရမ်းတဲ့အခါ သေချာချိန်ညှိပြီးပေးရတဲ့ ဆေးပါ ။ ဒီဆေးကို ပမာဏ များများ (သို့) ကြာကြာသောက်မိတဲ့အခါ အစာအိမ်နံရံကို ထိခိုက်စေပြီး အနာတွေဖြစ်စေတတ်ပါတယ် ။ အထူးသဖြင့် အကိုက်အခဲ ပျောက်ဆေးတွေနဲ့ တွဲသောက်ရင် ပိုဆိုးတတ်ပါတယ် ။

ပိုးသတ်ဆေး ( Antibiotics )

ဥပမာ -

• Tetracyclines အုပ်စုဝင် doxycycline, minocycline

• Macrolides အုပ်စုဝင် erythromycin, azithromycin and clarithromycin

• Quinolones အုပ်စုဝင် ciprofloxacin, levofloxacin

ဒီဆေးတွေက ဆရာဝန်ညွှန်ကြားချက်အတိုင်း အတိအကျသောက်ရတဲ့ဆေးတွေဖြစ်ပါတယ် ။

ဆေးတွေကို သေချာ အသုံးမပြုတတ်ရင် အစာအိမ်နံရံရောင်တာ ၊ အစာရေမြိုပြွန်ရောင်တာ ၊ အူရောင်တာ ၊ ပျို့ /အန် ၊ အစာမကြေတာတွေ ဖြစ်တတ်ပါတယ် ။

( ဒီဆေးတွေအကြောင်းကို HIP အဆင့်မြင့်ဆေးဝါးသင်တန်း မှာ စနစ်တကျ မြန်မာလိုနားလည်လွယ်အောင် သင်ပေးထားပါတယ် )

သံဓာတ်အားဆေး

Iron supplements လို့ခေါ်တဲ့ သံဓာတ်အားဆေးတွေက ဗိုက်ထဲ အစာမရှိပဲ သောက်မိရင် အစာအိမ်ရောင်တတ်ပါတယ် ။

Bisphosphonates

ဒီဆေးက အရိုးပွရောဂါ ကုရင် သုံးရတဲ့ဆေးတွေပါ ၊ စနစ်တကျနဲ့ သေချာမသောက်မိရင် အစာအိမ်နံရံရောင်ပြီး ထိခိုက်တတ်ပါတယ် ။

ကင်ဆာဆေး Chemotherapy Drugs

ဥပမာ - Methotrexate, Doxorubicin, Cyclophosphamide

ဒီဆေးတွေက အစာအိမ်ရောင်စေတတ်တယ် ၊ အနာဖြစ်တတ်တယ် ။ ဆေးတွေကို ဆရာဝန်ညွှန်ကြားတြ့အတိုင်းသေချာသောက်ရမယ် ၊ ဆေးသောက်ရင် ဗိုက်နာတာ ၊ ပျို့ အန်တာ ဖြစ်လာရင် ဆေးပေးထားတဲ့ ဆရာတန်နဒြ သေချာတိုင်ပင်ရပါလိမ့်မယ် ။

ဒီဆေးတွေကြည့်လိုက်ရင် သံဓာတ်အားဆေးတွေကလွဲရင် ကျန်တဲ့ဆေးတွေက ဆရာဝန်ညွှန်ကြားချက်အတိုင်းသောက်ရတဲ့ ဆေးတွေပါ ။ ကိုယ့်သဘောနဲ့ ကိုယ်ဆေးတွေ သောက်တာတွေ ၊ အတိုး အလျော့ပြုတာတွေ မလုပ်သင့်ပါဘူး ။ အင်္ဂလိပ်ဆေးတွေကို နားလည်ချင်တယ်ဆိုရင် ကျနော် သင်ပေးထားတဲ့ BPC အခမဲ့အခြေခံဆေးဝါးသင်တန်းရှိပါတယ် ။ တက်ချင်တယ်ဆိုရင် ဒီနေရာမှာ နှိပ်ပါ ။