ကျောက်ကပ်ထိခိုက်စေတဲ့ အင်္ဂလိပ်ဆေး ၇ မျိုး

အရင်ဆုံးသတိပေးပြောချင်တာက ဒီစာထဲက ဆေးတွေက ဆရာဝန်ညွှန်ကြားချက်မပါပဲ ကိုယ့်သဘောနဲ့ ကိုယ် ဆေးတွေ စသောက်တာ ၊ တိုးတာတွေ ၊ လျှော့တာတွေ လျှောက်မလုပ်ဖို့ ဆိုလိုရင်းပါ ။ ဆရာဝန်ဖက်က ညွှန်ကြားချက်နဲ့ သောက်ရတယ်ဆိုရင်တော့ အသေးစိတ်သေချာလိုက်နာပေးဖို့လိုပါတယ် ။

ကျနော်တို့ရဲ့ ကျောက်ကပ်က နေ့တိုင်းအချိန်တိုင်း ကိုယ်ထဲက အညစ်အကြေးအဆိပ်အတောက်တွေ နဲ့ မလိုအပ်တဲ့ ရေဓာတ် (ဆီး) တွေကို အမြဲစွန့်ထုတ်ပေးနေရတာပါ ။ အချို့ အင်္ဂလိပ်ဆေးတွေကို ကြာကြာသောက်မိလို့ပဲ ဖြစ်ဖြစ် ၊ ဆေးပမာဏ များများသောက်မိတာပဲ ဖြစ်ဖြစ် ကျောက်ကပ်ကို ထိခိုက်ပျက်ဆီးစေနိုင်ပါတယ် ။

ကျောက်ကပ်ကိုထိခိုက်စေတဲ့ ဆေးတွေကတော့

အကိုက်အခဲပျောက်ဆေး

ဥပမာ - Ibuprofen, Diclofenac, Aspirin

ဒီဆေးတွေက ကြာကြာအသုံးပြုရင် (သို့) ဆေးအားများသွားရင် ကျောက်ကပ်ကိုသွားတဲ့ သွေးစီးဆင်းမှု အားနည်းလာစေပါတယ် ၊ ဒီကနေဆင့် ကျောက်ကပ်ကိုထိခိုက်ပျက်ဆီးစေပါတယ် ။

ပိုးသတ်ဆေး

ဥပမာ - Gentamicin, Vancomycin, Amphotericin B

ဒီဆေးတွေက ကျတော့ ကျောက်ကပ်ကိုတိုက်ရိုက်ထိခိုက်ပျက်ဆီးစေနိုင်ပါတယ် ။

Antiviral drugs

ဥပမာ - Acyclovir, Tenofovir

ဒီဆေးတွေက ပမာဏ အရမ်းများရင် ၊ ရေရျည်စွဲသောက်နေရရင် ကျောက်ကပ်ထိခိုက်စေတတ်ပါတယ် ။

ဆီးဆေး

ဥပမာ - Furosemide (Lasix), Hydrochlorothiazide

ဒိဆေးတွေ က ကိုယ်ထဲက ရေဓာတ်တွေ နဲ့ သတ္တုဓာတ်တွေ ဆုံးရှုံးစေပြီး ကျောက်ကပ်ပေါ်မှာ ဝန်ထုပ်ဝန်ပိုးဖြစ်စေပြီး ပျက်ဆီးစေနိုင်ပါတယ် ။

PPI အစာအိမ်ဆေး

ဥပမာ - Omeprazole , Esomeprazole

သုတေတန ပြုချက်အချို့မှာ ဒီဆေးတွေ ရေရှည်စွဲသောက်ရင် အချို့လူတွေမှာ ကျောက်ကပ်ထိခိုက်စေတာ တွေ့ရပါတယ် ။

ကင်ဆာဆေး

ဥပမာ - Cisplatin, Methotrexate, Ifosfamide

ဒီဆေးတွေကနေ ထွက်လာတဲ့ အဆိပ်အတောက်တွေကြောင့် ကျောက်ကပ်ကိုထိခိုက်စေနိုင်ပါတယ် ။

လီသီယမ် Lithium

ဒီဆေးက စိတ်ကျန်းမာရေးပြဿနာ bipolar disorder တွေမှာ သုံးတဲ့ဆေးပါ ။ ရေရှည်သောက်ရတဲ့ အခါ ကျောက်ကပ်ကိုထိခိုက်စေနိုင်ပါတယ် ။

ဒီ လိုဆေးအမျိုးအစား ၇ မျိုးက ကျောက်ကပ်ကို ထိခိုက်စေတတ်တဲ့ ဆိုးကျိုးတွေရှိပါတယ် ။

ဒီနေရာမှာ အချို့တွေက ကျောက်ကပ်ထိတယ် ထင်နေကြတဲ့ ဆီးချိုကျဆေး Metformin နဲ့ သွေးကျဆေး ACEIs & ARBs (Lisinopril, Enalapril, Losartan, Valsartan) တွေက ကျောက်ကပ်ကို တိုက်ရိုက်ထိခိုက်စေတဲ့ ဆေးတွေတော့မဟုတ်ပါဘူး ၊ ဒီဆေးတွေက နဂို ကျောက်ကပ်ရောဂါ အခံရှိတဲ့ အခါမှ သတိထားပြီး ပေးရတဲ့ ဆေးတွေပါ ၊ နဂိုအခံကျောက်ကပ်ရောဂါ ကိုပဲ ပိုဆိုးစေနိုင်တဲ့ ဆေးတွေပါ ။

အင်္ဂလိပ်ဆေးတွေကို နားလည်ချင်တယ်ဆိုရင် ကျနော် သင်ပေးထားတဲ့ BPC အခမဲ့အခြေခံဆေးဝါးသင်တန်းရှိပါတယ် ။ တက်ချင်တယ်ဆိုရင် ဒီနေရာမှာ နှိပ်ပါ ။